Vågå veks medan landet elles går tilbake
Mendo-rapportane viser at den nasjonale utviklinga var negativ i både juli og august 2026. Medan Noreg samla hadde ein nedgang på 1,8 prosent i juli og 0,9 prosent i august, hadde Vågå vekst begge månadene. Dette tyder på at næringslivet i kommunen har hatt ei særleg sterk utvikling gjennom sommarsesongen.
Nøkkeltal for juli og august
| Nøkkeltal | Juli 2026 | August 2026 |
|---|
| Omsetning | 42,746 mill. kr | 30,907 mill. kr |
| Transaksjonar | 104 141 | 77 053 |
| Snittkjøp | 411 kr | 401 kr |
| Terminalar i bruk | 1 675 | 1 556 |
| Vekst mot 2025 | +6,3 % | +4,8 % |
| Utvikling Noreg | −1,8 % | −0,9 % |
Juli var den største handelsmånaden målt i omsetning, noko som er naturleg i høgsesongen. Samstundes var veksten mot året før sterkast i august. Frå juli til august fell omsetninga med om lag 11,84 mill. kroner, tilsvarande 27,7 prosent. Dette må først og fremst lesast som ein sesongeffekt. August er likevel 4,8 prosent sterkare enn august 2025.
Samla for juli og august vart det registrert omsetning på 73,653 mill. kroner, mot 69,697 mill. kroner i dei same to månadene i 2025. Det svarar til ein samla vekst på om lag 5,7 prosent.
Varehandel er den største kategorien i datamaterialet og står for hovuddelen av den registrerte omsetninga. Særleg positiv er utviklinga innan mat og opplevingar, som viser svært sterk vekst gjennom sommaren.
| Kategori | Juli 2026 | Mot 2025 | August 2026 | Mot 2025 |
|---|
| Varehandel | 27,89 mill. kr | 2,3 % | 21,192 mill. kr | 4,1 % |
| Mat og opplevingar | 10,49 mill. kr | 8 % | 6,491 mill. kr | 7,8 % |
| Tenester | 4,362 mill. kr | +34,9 % | 3,224 mill kr | 3,8 % |
Mat og opplevingar er den minste kategorien målt i kroner, men har den klart sterkaste veksten i juli. Omsetninga på 4,362 mill. kroner er 34,9 prosent høgare enn i juli 2025, og talet på transaksjonar aukar 29,5 prosent. I august er veksten meir moderat: omsetninga aukar 3,8 prosent og transaksjonane 9,3 prosent.
Ser vi juli og august samla, har mat og opplevingar den sterkaste veksten av dei tre kategoriane: om lag 19,7 prosent mot same periode i 2025. Tenester veks om lag 7,9 prosent og varehandel om lag 3,1 prosent.
Det er store variasjonar i vekst, da Vågåmo sentrum har ei høgare vekst i kategorien Mat og opplevingar enn kommunen totalt sett.
Arrangement kan ha bidrege til høg aktivitet
Analysen peikar òg på at dei store sommararrangementa ser ut til å falle saman med periodar med høg handelsaktivitet. Dette gjeld særleg Landsfestivalen i overgangen mellom juli og august og Traktorrock i midten av august.
Viktige funn
- Sommaren 2026 var sterkare enn sommaren 2025.
- Vågå hadde vekst i både juli og august, medan den nasjonale utviklinga var negativ.
- Juli var den største handelsmånaden, men august hadde den sterkaste prosentvise veksten.
- Varehandel er den største kategorien, medan mat og opplevingar har den sterkaste veksten.
- Store arrangement ser ut til å bidra til auka lokal aktivitet og omsetning.
Merknad: Tala frå Mendo inkluderer transaksjonar registrerte gjennom BankAxept. Betalingar med kredittkort er ikkje inkluderte. Analysar viser at datagrunnlaget dekkjer om lag 70 prosent av den totale omsetninga, men dekningsgraden kan variere i område med høg del utanlandske gjestar.